9-14 шілде аралығында IESF-тен киберспорт бойынша 15-ші Әлем чемпионаты қарсаңында Азия елдері арасында офф-лайн іріктеу матчтары өтті, онда Қазақстан құрамасы да қатысты, хабарлайды Battle.kz Қазақстан киберспорт федерациясының баспасөз қызметіне сілтеме жасай отырып.
Іріктеу кезеңі Сауд Арабиясының Эр-Рияд қаласында GAMERS8 киберспорт фестивалі аясында LAN форматында өтті. Қазақстан құрамасы Mobile Legends: Bang Bang тәсілі бойынша осы чемпионатта өнер көрсетті. Бангладеш, Филиппин және Сауд Арабиясы құрамаларымен бір топқа кіргеннен кейін, біздің киберспортшылар екінші орынға ие болып, топтан плей-офф кезеңіне өтті. Квалификацияның келесі кезеңіне өту, бізге осы жылдың тамыз-қыркүйек айларында Румынияда өтетін киберспорт бойынша Әлем чемпионатына жолдама береді.
Жоғары тордағы плей-офф кезеңінде біздің ойыншылар Моңғолия құрамасымен кездесіп, өкінішке орай 1:2 есебімен есе жіберді. Төменгі торға түсіп, Қазақстан құрамасы Камбоджа құрамасымен бетпе-бет келіп,бұл ойында да 0:2 есебімен ұтылып қалды.
Осылайша Қазақстан құрамасы IESF-тен киберспорт бойынша Азиялық квалификацияда 4-ші орында тұр.
