Белгілі қазақстандық киберспортшы Тимур buster Төлепов өз командасы Cloud9 үшін CS:GO бойынша IEM Cologne 2023 турнирінде ойнайды.
Бұл туралы американдық клуб өкілдері әлеуметтік желілерде хабарлады. Техникалық мәселелерге байланысты Германияға виза ала алмаған Сергей Ax1Le Рыхторовты қазақстандық киберспортшы алмастырады. Сонымен бірге, Рыхторов топтық кезеңді өткізіп жібереді, бірақ турнирдің плей-офф кезеңінде командаға қосыла алады.
IEM Cologne 2023 26-шы шілдеде басталып, 6-шы тамызда Кельнде (Германия) аяқталады. 24 команда миллион доллар мен IEM Katowice 2024-ке берілетін слотты сарапқа салады.
