Қазақстандық киберспортшылар ойнайтын Team Falcons командасы PUBG Mobile World Invitational 2023 турнирінде өнер көрсетті.
Сауд Арабиясының астанасы Эр-Риядта өткен турнирде Team Falcons атынан төрт қазақстандық ойыншы — Дамир AXZCER Омаров, Бақытжан PUNCHER Елменбет, Арман PSIX Таймазұлы және Данияр TEAQ Қонақбай қатысты. Team Falcons командасы турнирге қатысқан 16 ұжымның ішінен 13-ші орынды иеленіп, соның нәтижесінде 69 мың 500 доллар табыс тапты.
Айта кетейік, турнирдің чемпиондары болып Тайландтан келген Vampire Esports командасы атанды. Олардың табысы 432 мың 500 доллар.
